Un aplauso para esta actividade!
O Equipo de Actividades Extraescolares e Complementarias da nosa escola coordinou unha actividade desenvolvida durante esta semana na nosa biblioteca.
Unha actividade titulada A flora exótica invasora no curso medio dos ríos galegos, para tomar conciencia do serio problema que supón para o medio a "invasión" de moitas plantas que veñen de fóra das nosas fronteiras e causan danos que son moi difíciles de arranxar.
Así, coñecemos algunhas destas plantas e como actúan, como apareceron no noso medio, que perigos plantexan, as consecuencias que deixan e mesmo como hai que actuar ante o problema.
O alumnado de 5º e 6º tomou boa nota de todo e mesmo participou en xogos a fin de reflexionar sobre este importante problema.
Unha vez máis...coidemos o noso planeta xa que...NON HAI PLANETA B!!!
Aquí podedes ver un vídeo con algunhas imaxes das sesións.
As nenas e nenos de 5º e 6º fixeron unha saída extraescolar ao marabilloso paraxe natural de Ponte Maceira, dentro das actividades organizadas polo EAEC do colexio e a colaboración da nosa ANPA (Guerrilla verde).
Aqui podedes ver un pequeno vídeo con imaxes da visita.
Coas actividades da "Guerrilla verde" propostas pola ANPA do colexio aprendemos a conservar e respetar o noso Planeta.
Aquí veredes un vídeo onde a rapazada de E. infantil realiza uns medallóns con plantas da nosa contorna e despois, unhas bombas de sementes que poderemos lanzar no espazo natural que escollamos para que medren plantas fermosas.
O curso pasado, un grupo de nenas e nenos de 4º de Primaria, coa inestimable a xuda da súa titora, fixeron esta espectacular obra titulada "Non hai Planeta B", que agora loce nas paredes da nosa biblioteca.
Seguimos coidando o noso Planeta. As nenas e nenos de 3º B de Primaria fixeron estas estupendas bolsas para as súas cousas, con simboloxía que anima a reciclar, reutilizar, recoller...
As nenas e nenos de 5º elaboraron maquetas de distintos ecosistemas que estarán expostas durante algúns días para o desfrute de todos e todas.
Todas as datas son boas para celebrar, pero esta é especial para os colexios e os libros son unha das nosas compañías diarias.
A lectura e os libros pódense representar utilizando a reciclaxe. Mirade:
Este é o premio para o alumnado de 5º que participou este ano no RETO LECTOR, que por segundo ano consecutivo leva aos nenos e nenas a ler os seus libros favoritos a través dun reto mensual.
Trátase dunha bolsa para gardar as mascarillas cun fermoso debuxo dunha árbore e un fragmento dunha canción, lembrando o proxecto documental integrado que desenvolvemos durante este curso no noso colexio: "O Planeta é a nosa casa".
Noraboa a todos e todas por participar neste precioso reto.
