AMAR O MAR

As nenas e os nenos de 6º de E. Infantil investigaron  moito para facer uns fermosos traballos que quedaron plasmados nesta asombrosa presentación.

Non vola perdades!

ABC do noso Planeta

Coas letras do abecedario fixemos un traballo de incestigación sobre o vocabulario relacionado co noso proxecto. Podedes velo premendo na imaxe.

AS VOSAS REFLEXIÓNS SOBRE OS OCÉANOS

As nenas e nenos do noso colexio enviáronnos as súas reflexións sobre os Océanos para conmemorar o seu día mundial.

Aquí tedes algunhas:

Mariña Maseda: "Azul e vida"

Antía Maseda: "Non matedes aos animais dos océanos que tamén teñen vida"

Martina Veiga:"Cada vez que veo el mar me lleno de alegría y llevo la cabeza a un lugar lejano donde no existe el mal o la tristeza”

William Perrin: "Miles han vivido sin amor ni un solo sin agua" (W. H Auden)

8 de xuño: Día Mundial dos Océanos

Hoxe, data tan sinalada, esta imaxe reflexa a realidade diaria dos océanos:

  Aínda que nós queremos que sexa esta outra:

Desde aquí queremos invitarvos a compartir neste blog reflexións e frases sentidas sobre o coidado dos nosos mares, praias e costas. Agardamos a vosa participación!

O pulmón do Planeta

O alumnado de cuarto de Primaria recordou así a importancia das árbores, ben concienciados de que a deforestación produce efectos desastrosos no Planeta.

5 DE XUÑO: DÍA MUNDIAL DO AMBIENTE

O 5 de xuño celebramos o Día Mundial do Medio Ambiente e o próximo 8 de xuño, o Día Mundial dos Océanos.

Premio do reto Lector de 5º

Este é o premio para o alumnado de 5º que participou este ano no RETO LECTOR,  que  por segundo ano consecutivo leva aos nenos e nenas a ler os seus libros favoritos a través dun reto mensual.

Trátase dunha bolsa para gardar as mascarillas cun fermoso debuxo dunha árbore e un fragmento dunha canción, lembrando o proxecto documental integrado que desenvolvemos durante este curso no noso colexio: "O Planeta é a nosa casa".

Noraboa a todos e todas por participar neste precioso reto.

CLUB DE LECTURA

Este é o libro escollido para o noso Club de Lectura con alumnado de 5º.

Trátase da obra de Agustín Fernández Paz A praia da esperanza, escrita despois do triste suceso co barco Prestige na nosa costa.

23 de abril: DÍA DO LIBRO

Estando na casa tamén podemos facer moitas cousas polo planeta.

Para conmemorar a data do 23 de abril podedes facer moitas cousas, entre outras, fermosos marcapáxinas para acompañar as vosas lecturas diarias.

Todos eles con material de reciclaxe por suposto!

E. INFANTIL RECICLA!

As nenas e nenos de E. Infantil xa o fan. Xa saben que é moi importante reciclar e explícannos como hai que facer:

Aquí tedes o antes e o despois dun cartón de leite: dun simple envase a un marabilloso maceteiro!

E, como se fai?

Primeiro: Recortar
Segundo: Retorcer
Terceiro: Pelar
Cuarto: Dobrar

Concurso MULLERES QUE FAN HISTORIA

A biblioteca do colexio convoca, como en edicións pasadas, o concurso que consiste en "adiviñar" o nome de varias mulleres destacadas en distintos campos. Este ano, como non, son mulleres destacadas no campo do coidado do planeta, dúas delas galegas.

Animádevos a participar! Mirade no taboleiro da entrada da biblioteca; buscade as pistas e...xa está!

Escribide os nomes no cadernillo que se vos facilita e participaredes nun sorteo entre todos os cadernillos recollidos.

Boa Sorte!
CONCURSO "MULLERES QUE FAN HISTORIA"

DISFRACES ECOLÓXICOS DE ENTROIDO

TALLERES DA HORTA

Onte, venres 28 de febreiro, desenvolvéronse na biblioteca dous talleres co alumnado do primeiro ciclo e cortesía da ANPA do colexio.

Os nenos e nenas de 1º e 2º de Primaria desfrutaron moito coa elaboración de produtos  naturais de uso cotiá: unha crema de Aloe Vera e vinagre aromatizado, dos que levaron mostras para as súas casas, por suposto!

Aquí podedes ver o reportaxe gráfico de tal evento:

(Podedes informarvos máis ampliamente no blog da "Horta á cociña". Alí tamén podedes ver como seguen os nosos hortos). A próxima semana tocaralle o turno ao alumnado de E. Infantil.

DESPEDIDA DO MECO

O noso Meco despediuse coas coplas que nos propón todos en Entroidos. Aí van as deste ano:

DESPEDIDA DO MECO. ENTROIDO 2020

HOXE REMATA TODO

DESFACÉMONOS DO MECO

UN SAÚDO PARA TODOS

UN SAÚDO DESDE O CENTRO.

E NESTE MOMENTO

PASO A LER O TESTAMENTO:

DEIXO OS MEUS BRAZOS,

QUE DE CARTÓN SON,

A QUEN OS META CON TINO

NO APROPIADO COLECTOR

DÉIXOLLE OS MEUS OLLOS,

QUE TEÑEN FORMA DE TAPÓN,

A QUEN OS POÑA NAS BOTELLAS

OU EN ENVASES DE CARTÓN.

 DÉIXOLLE OS MEUS CABELOS

ÁS NENAS E NENOS DO COLEXIO

QUE SEGURO CON ELES FARÍAN

 UN ESTUPENDO PLUMEIRO

DÉIXOLLE OS MEU INTERIOR,

QUE É DE PLÁSTICO E PAPEL,

AO NOSO SEÑOR ALCALDE

QUE FAGA UN ESPANTALLO CON EL

DÉIXOLLE A MIÑA BOLSA

AOS VECIÑOS DE FONTIÑAS

PARA RECOLLER O LIXO

E DEIXAR AS RÚAS LIMPAS.

NENAS E NENOS DO COLE

APRENDEDE A RESPETAR

O NOSO PLANETA É A VIDA

E TÉMOLO QUE COIDAR

AQUÍ REMATA

O MEU TESTAMENTO

PARA QUE SE CUMPRA

DESDE ESTE  MESMO MOMENTO.

Firmado: Don Lixo

E QUE VIVA O ENTROIDO!

ROSA ANEIROS

A escritora Rosa Aneiros visitounos a pasada semana para charlar co alumnado de 5º e 6º e asinar o seu libro Xelís, o guieiro das botellas de mar.

Xelís, o protagonista da súa novela, inicia  unha arriscada viaxe no lombo do mascato Mult ata as inmediacións do círculo polar ártico, onde coñecerá a Ilva, o avó Jónas e a súa extraordinaria fábrica de luz. Xuntos emprenderán a dura tarefa de atrapar a illa de plásticos para evitar a desfeita ecolóxica do planeta. 

VIVA O ENTROIDO!

Achégase o Entroido e o noso Meco ten forma de monstruo-bolsa de lixo. Podedes achegarvos a el. Non cheira nada... de momento!

O MECO está cargado de estrés e por eso pide que o luns veñamos cunha prenda do revés.